ഡെപ്യൂട്ടി തഹസില്‍ദാര്‍മാരുടെ
ആനുകൂല്യങ്ങള്‍ തിരിച്ചുപിടിക്കരുത്‌
കണ്ണൂര്‍: സ്‌പെഷ്യല്‍ റൂളിലെ പഴുത്‌ ഉപയോഗിച്ച്‌ നിരവധി വര്‍ഷങ്ങളായി ഡെപ്യൂട്ടി തഹസില്‍ദാര്‍ തസ്‌തികയില്‍ ജോലി ചെയ്യുന്നവരുടെ ആനുകൂല്യങ്ങള്‍ തിരിച്ചുപിടിക്കാനുള്ള നീക്കം അവസാനിപ്പിക്കണമെന്നും സ്‌പെഷ്യല്‍ റൂള്‍ ഉടന്‍ ഭേദഗതി ചെയ്യണമെന്നും കേരള റവന്യൂ ഡിപ്പാര്‍ട്ട്‌മെന്റ്‌ സ്റ്റാഫ്‌ അസോസിയേഷന്‍ കണ്ണൂര്‍ ജില്ലാ കണ്‍വന്‍ഷന്‍ സര്‍ക്കാരിനോട്‌ ആവശ്യപ്പെട്ടു.
എല്ലാ യോഗ്യതകളും നേടി പ്രൊബേഷന്‍ ഡിക്ലയര്‍ ചെയ്യാത്തവരുടെ ഇന്‍ക്രിമെന്റ്‌ തിരിച്ചുപിടിക്കാനും തരംതാഴ്‌ത്താനുമാണ്‌ ശ്രമം നടക്കുന്നത്‌. സ്‌പെഷ്യല്‍ റൂളിലെ പഴുത്‌ ഉപയോഗിച്ച്‌ നടത്തുന്ന ശ്രമങ്ങള്‍ അവസാനിപ്പിക്കാനും ക്രിമിനല്‍ ജുഡീഷ്യല്‍ പരീക്ഷ ഉള്‍പ്പെടെയുള്ള യോഗ്യതകള്‍ പ്രമോഷന്‍ വേണ്ടവര്‍ക്ക്‌ മാത്രമായി പരിമിതപ്പെടുത്തുന്ന തരത്തില്‍ റൂള്‍ ഭേദഗതി ചെയ്യണമെന്നും കെ.ആര്‍.ഡി.എസ്‌.എ ആവശ്യപ്പെട്ടു.
ജില്ലാ പ്രസിഡണ്ട്‌ ശാരംഗപാണി റിപ്പോര്‍ട്ടവതരിപ്പിച്ചു. ജനറല്‍ സെക്രട്ടറി കെ. ശ്രീകണ്‌ഠന്‍ നായര്‍ സംസ്ഥാന കമ്മിറ്റി തീരുമാനങ്ങളും ബി.ജി. ധനജ്ഞയന്‍ പ്രവര്‍ത്തന റിപ്പോര്‍ട്ടും അവതരിപ്പിച്ചു.